 |
|
待播出
待回答
排序:
Johnny Ng 1天前 Question: 8722
大師軒仔，你哋評論國際新聞有陣時miss咗一啲好重要國際新聞唔講，我唔知你哋係冇留意呀，定係特登唔講嘅呢？好，我而家有另外一單都係重要但係你哋都冇講到嘅國際新聞以及想請教一下你哋關於政治上嘅左右路線嘅爭論。在今年春天月份匈牙利大選，右翼強人歐爾班竟然輸咗選舉，結束咗佢長達16年對匈牙利嘅統治。可以話令到全世界跌晒眼鏡，因為當時連特朗普同萬斯都出來撑佢當選，結果就適得其反。唔單止咁，連以往一向係法國政壇風頭一時無亮，講嘢大大聲嘅極右勢力龍頭一姐馬利蘭勒龐。亦都因為同特朗普走得太埋而受到猛烈批評同質疑而拖累成個法國極右勢力支持度同影響力都大不如前更遑論全世界其他極右勢力亦都受到不同程度嘅狙擊。大師你曾經講過話右傾係全球政治嘅大趨勢，但係同時都記得陽羽喺兩年前嘅英國極右大暴動亦都咁樣講過，“本來聲勢浩大嘅極右勢力因為太串太囂張嘅關係。結果辣㷫曬全英國所有左派，而全部企出嚟話要同佢哋隻抽。結果當班極右暴徒見到於十倍佢哋嘅左派人數嗰時候，就當堂縮沙變全部變曬鵪鶉。最後成場席捲英國嘅暴動就無聲無息咁無疾而終。”而佢當時評論就係呢啲西方民主國家因為成個社會風氣嘅薰陶關係，佢哋多數平民百姓嘅政治取態傾向天生都係比較左傾嘅。我本人都對此深有體會，因為我住喺加拿大。近呢幾年嚟加拿大政壇上右翼勢力可以話聲勢浩大，但係每次喺聯邦大選甚至乎去到地方省選，佢哋都最終都係輸畀左翼嘅政黨。無論當地嘅左翼或中間遍左嘅聯邦定省政府做得幾差，都總係有一班死忠嘅左派支持者撐佢哋而繼續當選執政。咁大師，你睇到向右轉係將來大趨勢，故然之有你嘅準確判斷。但係從依家嘅事態睇到，就算係全球政治形勢向右轉都好，當中亦都遇到好強嘅阻力而無法完全向右轉。哪怕極右政黨贏咗選舉執政，往後都會受到好多制肘甚至隨時跨台變成一個短命政府。咁其實國際政治形勢向右轉呢個態勢係咪唔好咁快下定論有待商榷同觀望呢？
5天前 Question: 8721
大師成日唔記得嘢，做運動會好有幫助，早排我都成日唔記得嘢，做返運動之後有極大改善
5天前 Question: 8720
如果，大師能發起一間「實戰大學」，剔除所有無用之學，只集中搵銀，溝女/仔，做生意，法律，社團，炒股，識人，演講，揍老細，有用創意
同時幫人發挖出興趣，舖橋塔路
大師直接成為一代宗師，訓練出一批弟子，豈不甚妙
5天前 Question: 8719
黑社會蠢？你講咩年代呀？而家仲有本事喺圈子生存到會有蠢人？啲蠢仔 返曬去一早起身熬老襯啦 一年放兩次大假 買張兩三千蚊嘅廉航機票 撲住去旅行啦 😂做個地盤佬 的士佬一個月都三皮嘢 養一個人一個月要幾皮，你估而家仲有大佬白養靚仔呀？你幫唔到手搵食你想加入？ 搵阿叉收你😂😂 真係睇戲睇得多🤭🤭
5天前 Question: 8718
軒少說得對，就算加了五十倍的簽証費和每年訓練撥款的規模仍然差天共地，拿來做宣傳指責對方倒是吸眼球的。
軒爺，不如講講你為何不受到早五年十年前教的批判性思考毒害，你屋企、朋輩有沒有影響你的判斷？我自己都需要好好學習教仔
5天前 Question: 8717
大C，諗嘢唔好太簡單，10幾條友集中揼 Issac，事出必有不可告人的秘密，表面上是互睥，繼而打架。班黑社會當然想製造一個假象，是一時衝動打死人，最多會被判誤殺，坐10年8年就可出來，一旦被查出是收$打人，分分鐘被判謀殺，坐終身，其待警方深入調查此案的來龍去脈。
5天前 Question: 8716
大師偶像113潘 會唔會似黃百鳴咁衰左？
5天前 Question: 8715
问轩仔：央视记录片<制胜>有看过？可以讲解一下有哪些亮点？
谢谢
5天前 Question: 8714
周先生邏輯思維清晰，分析獨到，絕不老餅，財經資訊論政比坊間不少專家好得多。
Btw, 周先生有否研究到
美股國防概念股有哪一些值得注意？ 地緣政治下 8 家軍工巨頭與 ETF 介紹？ Uncle Sam 理應全速大量研製生產填補舊軍火武器庫存！
Aug 6,26
5天前 Question: 8713
周大師又在九吹， 憑什麼貶低黎彼得，又話许冠傑D訶更高级，請問在生的許後續有甚麼作品見得人，一首好歌作曲，填詞，唱缺一不可，為吹而吹係你強項！
Edward Ian 8天前 Question: 8712
如果按照大師對踎的理解，咁香港警察都應該要恢復返夏天著短褲，因為咁樣先係最健康舒適，著長褲就只係面子工程，事實上文明文化更多係關於外觀的方面，多於健康方面的考量，依個應該係一般的社會共識。
另外，究竟日本人係咪真係鍾意食美女屎呢？好想聽下大師的說法
Johnny Ng 10天前 Question: 8711
大師，我想問一問你有冇睇到“給阿嬤的情書呀”同埋你有冇聽過依家中國舞蹈界一個好出名經典嘅舞蹈表演叫“只此青綠”？我之所以提出兩個藝術表演嘅原因。就係因為呢兩項藝術表演竟然被外界稱之為中共高超嘅宣揚統戰嘅宣傳工具。“給阿嬤的情書”故言之就唔使講啦。前嗰排就係因為呢套戲就引起咗新加坡半官方嘅報紙“聯合早報”嘅猛烈批評。然後進展度同馬來西亞中文媒體全面罵戰。因而揭發咗新加坡嘅語言政策同埋過去嘅歷史問題，而觸碰到佢哋嘅身份認同同埋國家政治取態嘅敏感红線。 ( 同埋著名嘅youtuber“阿冉”亦都係佢youtube頻道度詳細咁點出呢套電影嘅高明隱喻之處。若果大家有時間嘅就請大師同埋其他聽眾就走去佢嘅youtube頻道到睇下佢點樣評價呢套電影啦。 ) 而“只此青綠”呢個舞蹈靈感由來係來自北宋著名畫家天才少年王希孟嘅傳奇畫作“千里江山圖”所啟發而編制出呢套充滿簡約內斂而又高貴高雅嘅宋代舞風，又兼具極具視覺衝擊力嘅高難度“青綠腰”舞步而爆紅全球華人圈子，繼而全球嘅主流藝術界亦都對此極高級舞蹈表演大表讚賞。而當中最誇張嘅你台灣觀眾。根據台灣新聞報道呢個舞蹈團決定嚟台灣表演五場。结果喺半個鐘頭之內所有門票一掃而空，就算加多兩場亦都竟然喺30秒之內全部賣晒。所有睇完呢個表演嘅台灣觀眾全部都舉起大拇指表示深刻感受到中華文化嘅精髓。有啲甚至乎係感動到流淚喊曬出嚟話呢套係人生最好睇舞蹈表演。而知名時事評論郭正亮更加和睇到目定口呆一時語塞，唔識點去讚賞。但咁樣亦都引起民進黨政府嘅極度不安，而大力咁冷處理甚至打壓呢股風潮，但都無阻台灣觀眾對此舞蹈嘅熱情。其實呢兩項嘅藝術表演都只不過係想透過表演去表達中華文化人民情懷嘅意義真諦，但卻無心插柳變成咗中共嘅所謂嘅“高超統戰宣傳”。與其話因為中國強大可以抬得起頭面向世界宣揚中華文化受到全球藝術界重視。倒不如話我哋華人究竟過去呢百幾年因為過度崇拜仰望外國文化而作出嘅反思呢？
12天前 Question: 8710
大 C 軒仔唔好以為胡志偉真係好重要, 英國一般人哪裡識得他? 想必是英國的入境部門低級官僚根本不知道胡志偉是誰, 還要很多時間才能夠 esculate 上去能決定有關香港事務的官員, 所以胡志偉在英國一直被當作假稱政治逼害的無名小卒
12天前 Question: 8709
David Weeb 網同踎比較文明兩單嘢，都係大c嘅責任。先講Weeb ，你地係用佢留下嘅公開資料去重建網頁，並延續所有之前嘅功能，事實上唔係接手做，而係複製延續。大c作為揸筆搵食之人，呢樣野應該要清晰。再加上被「標籤」成建制人士，被人圍攻都屬正常。好在有Allen呢啲技術同底氣十足嘅拍檔，佢解釋咗前因後果，亦道明網頁並非牟利，有疑慮嘅就唔好睇。我諗班友都唔知點回應好。
至於踎企坐訓，本來就係人類本能嘅休息方法，並無高低之分。事實係做以上呢啲休息動作時，是否有考慮到地點是否合適，踎係牆邊休息，就肯定比坐係路中心文明啦。上次見人踎低就掉一蚊侮辱人嘅，就比踎係度休息嘅人不文明啦。
綜上所述，香港人的確係賤。同樣係複製David Weeb遺物嘅外國網站，就唔會有人嘈。同樣坐係地鐵車廂中間嘅鬼仔鬼妹，亦唔會招來羞辱。呢點大C還是正確的。但觀乎兩篇文章，用字及邏輯都有出錯。
12天前 Question: 8708
周日问答题及大师，今天大师在节目中说中国经常被给人家欺负，例如某些国家充公中国公司的资产，我的问题是，是不是中国人太多孔夫子的韬光养晦和谦虚的品性，反之，看看美国，什么事都一巴掌打下去，轰炸，所以世界上大部分的国家都恐惧美国，但是当中国冇到。我最近看看资料，关于巴拿马充公香港的运河管理权，我自己都不知道，原来就是小小一个香港，GDP是巴拿马的5倍，更加不用说和中国比了。问题是，中国是不是太软弱？应该robust一点，学一学美国？应该一巴掌打落去
大師實倉
投資二三事 
政經密碼 
食色中環 
