又係一篇靠幻想的文章:
我所有職業賭徒朋友都飲酒,無酒不歡,我每次去拉斯維加斯揾佢哋,都要被迫飲酒當飲水;入到賭場,更加要飲,做到真係去消遣娛樂咁既款 (唔通一副認真博殺樣等賭場監控留意你咩);有次有個朋友,仲要飲到好似真係醉咗咁,一邊語無倫次地鬧緊 (扮佢下屬的) 另一朋友,其實心裏面一邊數緊牌下大注,不知心水幾清。「影響你的判斷能力和觀察能力」係你段數唔夠高啫。
「最好用的技巧就是百家樂平注,保守又安全」── Edward Thorp 寫本 Beat the Dealer 介紹算牌都幾十年啦,講呢啲,都未同你計其後發展的追牌切牌窺牌聽機認牌紋呢啲技巧,就連廿一點基本策略都輸得少過百家樂平注,仲話「最好用的技巧」?
「在賭博的整個過程中,你只會贏一到兩次... 當你贏錢之後請立馬起身走人,否則最後你將連本帶利一起輸掉。」咁啲職業賭徒應該要失業,去零元購算喇。