照橋心美 2年前
呢篇文既作者其實有冇去過賭場?
//他們工作時保持著嚴肅的表情,有人稱他們為賭場公關或者賭場「經紀人」 澳門大多數荷官嗰啲叫晚娘面孔、西口西面,而唔係表情嚴肅 (嚴肅係指工作認真嚴謹既態度,澳門荷官通常欠奉),有少數係同賭客有傾有講;如果去到其他地方如拉斯維加斯,有啲賭場直情係衣著性感模特身材既女荷官,你贏咗嗰鋪佢仲會同你擊拳high five,何嚴肅之有? 而且公關還公關,荷官還荷官,未聽過人會認錯;作者自己幻想出嚟??
//記得經常在電視上看到的荷官贏了錢就用手敲兩下桌子,意思就是催促賭客快點拿錢出來 邊套電視劇有咁劇情? 所有正規賭場,賭客都要事前(賭局未開始前)落注,將籌碼放出嚟擺喺指定區域,輸咗就由荷官收咗去,絕對唔會係知道輸贏之後先由賭客度攞錢/籌碼,否則賭客賭白頭片咁點算?
//曾聽說澳門的荷官一個月能拿到1.6萬的月薪... 但加上小費後,平均年薪可達6到7萬,厲害的荷官一年甚至可達10萬以上 1.6萬月薪,即19.2萬年薪,加埋小費反而得6到7萬,10萬算好多? 負小費係咩概念?! 當你係打錯字,想講6至7萬以至10萬月薪,咁又誇張得僅要喎! 定係講緊 N 年前老何獨市,荷官屈賭客贏咗要「飲茶」,唔飲就扣起籌碼既年代?!
0
0
回應
|